ಪಿ.ಯು.ಸಿ ಪ್ರಥಮ ವರ್ಷಕ್ಕೆ ಪ್ರವೇಶ ನಿಯಮಗಳು, ಆಯ್ಕೆ ಮತ್ತು ಶುಲ್ಕಗಳು

1. ಎಸ್.ಎಸ್.ಎಲ್.ಸಿ. ಯಾ ತತ್ಸಮಾನ ಪರೀಕ್ಷೆಯ ಫಲಿತಾಂಶವು ಪ್ರಕಟಣೆಯಾದೊಡನೆ ಮಹಾವಿದ್ಯಾಲಯದ ಕಾರ್ಯಾಲಯದ ಕಾಲೇಜಿನ ಆಡಳಿತ ಮಂಡಳಿಯ ಕಛೇರಿಯಿಂದ ಪರಿಚಯ ಪತ್ರಿಕೆಯನ್ನು ಪಡೆದುಕೊಳ್ಳಬೇಕು. ತಮ್ಮ ತರಗತಿಗೆ ಸಂಬಂಧಪಟ್ಟ ಅರ್ಜಿ ನಮೂನೆಯನ್ನು ಪಡೆದುಕೊಂಡು ನಿಯಮ 2 ರಲ್ಲಿ ಕಾಣಿಸಿದಂತೆ ಸಂಬಂಧಪಟ್ಟ ವಿವರಗಳನ್ನೆಲ್ಲ ತುಂಬಿ, ಅಭ್ಯರ್ಥಿಯು ಈ ಕೆಳಗಿನ ದಾಖಲೆಗಳೊಂದಿಗೆ ನಿಗದಿತ ದಿನಾಂಕದೊಳಗೆ ಶುಲ್ಕವನ್ನು ತುಂಬಿ ಪ್ರವೇಶ ಮಾಡಿಸಬೇಕು.
2. ಪ್ರಥಮ ಪಿಯುಸಿ ತರಗತಿಗೆ ದಾಖಲಾತಿ ಪಡೆಯುವಾಗ ಅರ್ಜಿ ನಮೂನೆಯೊಂದಿಗೆ ಲಗತ್ತಿಸಬೇಕಾದ ದಾಖಲೆಗಳು
  - ಎಸ್.ಎಸ್.ಎಲ್.ಸಿ. ಯ ಮೂಲ ವರ್ಗಾವಣೆ ಪ್ರಮಾಣಪತ್ರ (T.C) ಮತ್ತು 1 ಪ್ರತಿ.
  - ಎಸ್.ಎಸ್.ಎಲ್.ಸಿ. ಮೂಲ ಅಂಕಪಟ್ಟಿಯ ದೃಢೀಕೃತ 1 ಪ್ರತಿ ಅಥವಾ ತಾತ್ಕಾಲಿಕ ಅಂಕಪಟ್ಟಿಯ ದೃಢೀಕೃತ 1 ಪ್ರತಿ.
  - ಎಸ್.ಎಸ್.ಎಲ್.ಸಿ. ಪರೀಕ್ಷಾ ಪ್ರವೇಶ ಪತ್ರದ (ಹಾಲ್ ಟಿಕೆಟ್) 1 ಪ್ರತಿ
  - ಇತ್ತೀಚಿನ (ಎಸ್.ಎಸ್.ಎಲ್. ಸಿ. ಪರೀಕ್ಷೆಯ ನಂತರ ತೆಗೆಸಿದ) ಪಾಸ್ಪೋರ್ಟ ಅಳತೆಯ 2 ಪೊಟೋ (ಒಂದು ಪೋಟೋ ಅರ್ಜಿಗೆ ಅಂಟಿಸಬೇಕು)
  - ಆಧಾರಕಾರ್ಡ, ಪಡಿತರ ಚೀಟಿ ಮತ್ತು ಬ್ಯಾಂಕ್ ಪಾಸ್ಬುಕ್ನ 1 ಪ್ರತಿ.
  - ನಿಗದಿತ ಅವಧಿಯೊಳಗಿನ ಜಾತಿ ಮತ್ತು ಆದಾಯ ಪ್ರಮಾಣಪತ್ರದ 1 ಪ್ರತಿ. (ವಿದ್ಯಾರ್ಥಿವೇತನ ಮತ್ತು ಶುಲ್ಕ ವಿನಾಯತಿ ಸೌಲಭ್ಯಕ್ಕೆ ಅರ್ಜಿ ಸಲ್ಲಿಸುವವರಿಗೆ ಮಾತ್ರ)
  - ವಿಕಲಚೇತನ ವಿದ್ಯಾರ್ಥಿಗಳಾಗಿದ್ದರೆ ಸಕ್ಷಮ ಪ್ರಾಧಿಕಾರವು ನೀಡಿರುವ ಪ್ರಮಾಣಪತ್ರದ 1 ದೃಢೀಕೃತ ಪ್ರತಿ

ವಿಶೇಷ ಸೂಚನೆ

ಒಮ್ಮೆ ಸಲ್ಲಿಸಿದ ಮೂಲ ವರ್ಗಾವಣೆ ಪತ್ರವನ್ನು (T.C) ಪುನಃ ಹಿಂದಿರುಗಿಸಲಾಗುವುದಿಲ್ಲ. ವಿದ್ಯಾರ್ಥಿಗಳು ತಮಗೆ ಅವಶ್ಯವಿದ್ದಷ್ಟು ಧೃಢೀಕೃತ ಝೆರಾಕ್ಸ್ ಪ್ರತಿಯನ್ನು ಇಟ್ಟುಕೊಳ್ಳತಕ್ಕದ್ದು.
CBSE ಮತ್ತು ಹೊರರಾಜ್ಯದಲ್ಲಿ ಉತ್ತೀರ್ಣರಾಗಿ ಪ್ರಥಮ ಪಿಯುಸಿಗೆ ದಾಖಲಾತಿ ಪಡೆಯುವ ವಿದ್ಯಾರ್ಥಿಗಳು MIGRATION CERTIFICATE ನೀಡಬೇಕು ಹಾಗೂ ಅರ್ಹತಾ ಪತ್ರದ ಶುಲ್ಕ (ELIGIBILITY CERTIFICATE FEE) Rs. 1000=00 ಪಾವತಿಸಬೇಕು.
ಪ.ಪೂ.ಶಿ. ಇಲಾಖೆ ಸೂಚಿಸಿದ ಬೋರ್ಡಿನಿಂದ SSLC / ತತ್ಸಮಾನ ಪರೀಕ್ಷೆ ಉತ್ತೀರ್ಣರಾದರೆ ಮಾತ್ರ ದಾಖಲಾತಿ ನೀಡುವುದು
ವಿದೇಶದಲ್ಲಿ ಅಥವಾ IGCSE/Cambridge International ಪಠ್ಯಕ್ರಮದಲ್ಲಿ SSLC 3 ಉತ್ತೀರ್ಣರಾದರೆ ಪ.ಪೂ.ಶಿ. ಇಲಾಖೆಯಿಂದ ತಾತ್ಕಾಲಿಕ ಅರ್ಹತಾ ಪತ್ರ ಪಡೆದರೆ ಮಾತ್ರ ದಾಖಲಾತಿ ಪಡೆದುಕೊಳ್ಳುವುದು.
ಡುಪ್ಲಿಕೇಟ್ ಟಿ.ಸಿ. ಆದರೆ ಪ.ಪೂ.ಶಿಕ್ಷಣ ಇಲಾಖೆಯಿಂದ ಪೂರ್ವಾನುಮತಿ ಪಡೆದ ನಂತರ ದಾಖಲಾತಿ ಪಡೆದುಕೊಳ್ಳುವುದು

1. 1. ದ್ವಿತೀಯ ಪಿಯುಸಿ ತರಗತಿಗೆ ದಾಖಲಾತಿ ಪಡೆಯುವಾಗ ಅರ್ಜಿ ನಮೂನೆಯೊಂದಿಗೆ ಲಗತ್ತಿಸಬೇಕಾದ ದಾಖಲೆಗಳು
    - ಪ್ರಥಮ ಪಿಯುಸಿ ಅಂಕಪಟ್ಟಿಯ 1 ಪ್ರತಿ
    - ಎಸ್.ಎಸ್.ಎಲ್.ಸಿ. ಯ ವರ್ಗಾವಣೆ ಪ್ರಮಾಣ ಪತ್ರದ (T.C) 1 ಪ್ರತಿ.
    - ಆಧಾರಕಾರ್ಡ್, ಪಡಿತರ ಚೀಟಿ ಮತ್ತು ಬ್ಯಾಂಕ್ ಪಾಸ್ಬುಕ್ನ 1 ಪ್ರತಿ.
    - ನಿಗದಿತ ಅವಧಿಯೊಳಗಿನ ಜಾತಿ ಮತ್ತು ಆದಾಯ ಪ್ರಮಾಣಪತ್ರದ 1 ಪ್ರತಿ. (ವಿದ್ಯಾರ್ಥಿವೇತನ ಮತ್ತು ಶುಲ್ಕ ವಿನಾಯತಿ ಸೌಲಭ್ಯಕ್ಕೆ ಅರ್ಜಿ ಸಲ್ಲಿಸುವವರಿಗೆ ಮಾತ್ರ)
    - ಇತ್ತೀಚಿನ ಪಾಸ್ಪೋರ್ಟ್ ಅಳತೆಯ ಒಂದು ಪೋಟೋ ಅರ್ಜಿ ನಮೂನೆಗೆ ಅಂಟಿಸಬೇಕು.
    - ವಿಕಲಚೇತನ ವಿದ್ಯಾರ್ಥಿಗಳಾಗಿದ್ದರೆ ಸಕ್ಷಮ ಪ್ರಾಧಿಕಾರವು ನೀಡಿರುವ ಪ್ರಮಾಣಪತ್ರದ 1 ಧೃಢೀಕೃತ ಪ್ರತಿ.

ವಿಶೇಷ ಸೂಚನೆ

ಕಾಲೇಜು ಬದಲಾವಣೆ ಮೂಲಕ (Change of College) ದಾಖಲಾತಿ ಪಡೆಯುವ ವಿದ್ಯಾರ್ಥಿಗಳು ಈ ಕೆಳಗಿನ ದಾಖಲೆಗಳನ್ನು ಸಹ ಲಗತ್ತಿಸಬೇಕಾಗಿರುತ್ತದೆ.
- ಭರ್ತಿ ಮಾಡಿದ ಕಾಲೇಜು ಬದಲಾವಣೆ ಅರ್ಜಿ ನಮೂನೆ (ಪ್ರಾಚಾರ್ಯರ ಸಹಿಯೊಂದಿಗೆ)
- ಕಾಲೇಜು ಬದಲಾವಣೆ ಶುಲ್ಕ ಪಾವತಿಸಿದ ಮೂಲ ಚಲನ್ ಮತ್ತು 1 ಪ್ರತಿ
- ಪ್ರಥಮ ಪಿಯುಸಿ ಮೂಲ ವರ್ಗಾವಣೆ ಪ್ರಮಾಣಪತ್ರ (T.C) ಮತ್ತು 1 ಪ್ರತಿ
- ಎಸ್.ಎಸ್.ಎಲ್.ಸಿ. ಅಂಕಪಟ್ಟಿಯ 1 ಪ್ರತಿ
- ಜಿಲ್ಲಾ ಉಪನಿರ್ದೆಶಕರು ದೃಢೀಕರಿಸಿದ ಪ್ರಥಮ ಪಿಯುಸಿ ಅಂಕಪಟ್ಟಿಯ 2 ಪ್ರತಿ
- ಇತ್ತೀಚಿನ ಪಾಸ್ಪೋರ್ಟ ಅಳತೆಯ 2 ಪೊಟೋ (ಒಂದು ಪೋಟೋ ಅರ್ಜಿಗೆ ಅಂಟಿಸಬೇಕು)
  ಹೊರ ರಾಜ್ಯ, ವಿದೇಶದಲ್ಲಿ ಅಥವಾ IGCSE/Cambridge International ಪಠ್ಯಕ್ರಮದಲ್ಲಿ ಪ್ರಥಮ ಪಿಯುಸಿ ಉತ್ತೀರ್ಣರಾದರೆ ಪ.ಪೂ.ಶಿ. ಇಲಾಖೆಯಿಂದ ತಾತ್ಕಾಲಿಕ ಅರ್ಹತಾ ಪತ್ರ ಪಡೆದರೆ ಮಾತ್ರ ದಾಖಲಾತಿ ಪಡೆದುಕೊಳ್ಳುವುದು.

1. ಪಿ.ಯು.ಸಿ.ಗೆ ಪ್ರವೇಶ ಪಡೆಯುವಾಗ ಪ್ರವೇಶ ಅರ್ಜಿಯಲ್ಲಿ ಎಸ್.ಎಸ್.ಎಲ್.ಸಿ. ಪರೀಕ್ಷಾ ಪ್ರವೇಶ ಪತ್ರ (ಹಾಲ್ ಟಿಕೇಟ್)ದಲ್ಲಿ ನಮೂದಿಸಿದಂತೆ ಹೆಸರನ್ನು ಬರೆಯಬೇಕು.
2. ನಮ್ಮ ವಿದ್ಯಾಲಯದಿಂದ ಟ್ರಾನ್ಸ್ಫರ್ ಸರ್ಟಿಫಿಕೇಟ್ ಬೇಕಾದಲ್ಲಿ ರೂ. 100=00 ನ್ನು ತುಂಬಿ ಅರ್ಜಿಯ ಜೊತೆಗೆ ಎಸ್.ಎಸ್.ಎಲ್.ಸಿ. ವರ್ಗಾವಣೆ ಪತ್ರದ (T.C) ಪ್ರತಿ ಹಾಗೂ ಅಂಕಪಟ್ಟಿಯ ಪ್ರತಿ ಲಗತ್ತಿಸಿ ಕಾರ್ಯಾಲಯದಲ್ಲಿ ಕೊಡಬೇಕು. ನಿಮ್ ಎಲ್ಲಾ ಕಡತಗಳನ್ನು ಪರಿಶೀಲಿಸಿ ಅದನ್ನು ನೀಡಲಾಗುವುದು.
3. ಪರಿಶಿಷ್ಟ ಜಾತಿ, ಪರಿಶಿಷ್ಟ ಪಂಗಡಗಳ ವಿದ್ಯಾರ್ಥಿಗಳಿಗೆ ಸರಕಾರವು ನೀಡುವ ಎಲ್ಲಾ ವಿನಾಯತಿಗಳನ್ನು ನೀಡಲಾಗುವುದು.
4. ಕಾಲೇಜಿನಲ್ಲಿ ನೀಡುವ ಪ್ರವೇಶ ತಾತ್ಕಾಲಿಕವಾಗಿರುತ್ತದೆ. ಅಂತಿಮ ನಿರ್ಣಯವು ಪದವಿ ಪೂರ್ವ ಶಿಕ್ಷಣ ಇಲಾಖೆಯದ್ದಾಗಿರುತ್ತದೆ.
5. ವರ್ಷದ ಮಧ್ಯದಲ್ಲಿ ಮಹಾವಿದ್ಯಾಲಯವನ್ನು ಬಿಟ್ಟು ಹೋದಲ್ಲಿ ಯಾವ ಶುಲ್ಕವನ್ನು ಹಿಂದಿರುಗಿಸಲಾಗುವುದಿಲ್ಲ. ಸರಕಾರದ ಆದೇಶದಂತೆ ಶುಲ್ಕಗಳಲ್ಲಿ ಬದಲಾವಣೆಗಳು ಆಗಬಹುದು.
6. ವಿದ್ಯಾರ್ಥಿಗಳಿಗೆ ನೀಡಬೇಕಾದ ವಿವಿಧ ಸೂಚನೆಗಳನ್ನು ಆಯಾ ವೇಳೆಗೆ ಸೂಚನಾ ಫಲಕದಲ್ಲಿ ಪ್ರಕಟಿಸಲಾಗುವುದು. ವಿದ್ಯಾರ್ಥಿಗಳು ಪ್ರತಿದಿನವೂ ಸೂಚನಾ ಫಲಕಗಳನ್ನು ಗಮನಿಸುತ್ತಿರಬೇಕು.
7. ಪ್ರಥಮ ಪಿಯುಸಿಯಲ್ಲಿ ಅನುತ್ತೀರ್ಣರಾದವರು ಪುನಃ ಪ್ರವೇಶ ಬಯಸಿದಲ್ಲಿ ಪಿಯು ಮಂಡಳಿಯ ಪೂರ್ವಾನುಮತಿಯೊಂದಿಗೆ ಪ್ರಥಮ ಪಿಯುಸಿ ತರಗತಿಯ ಬೇರೆ ಕೋರ್ಸಿಗೆ ಪ್ರವೇಶ ಪಡೆಯಬಹುದು.

ಮಹಾವಿದ್ಯಾಲಯದ ಸಮವಸ್ತ್ರ ವಾರದ ಎಲ್ಲಾ ದಿನವೂ ಕಡ್ಡಾಯವಾಗಿರುತ್ತದೆ. ಸಮವಸ್ತ್ರದ ಬಟ್ಟೆಯು ಮಹಾವಿದ್ಯಾಲಯದ ವಿದ್ಯಾರ್ಥಿ ಗ್ರಾಹಕರ ಸಂಘದಲ್ಲಿ ಪಡೆಯಬಹುದು.